किंवा कसंही...

चल ना डेटवर जाऊ 

डिनर करु दारु पिऊ

your place or mine ते ठरवत

मेक आउट करु

अशी जन्मांची ओळख वगैरे नसताना

घट्ट बिलगून झोपू

क्षणिक सहवासाचं थ्रिल आणि reassurance 

एका तपाच्या कमिटेड रेलशनशिपपेक्षा अधिक वाटेल

असं काहीतरी करु

सकाळी उठून awkward स्माइल्स एक्सचेंज करु

मिठी सोडवू

खाली जाऊन ब्रेकफास्ट/ब्रंच करु

बिल येइपर्यंत शांत राहू

मी ओला कॅब  मागवीन

तू त्यात बसून घरी जा

जाताना गुडबाय hug

फोरहेडवर किस दे

पब्लिक प्लेस असल्याने

स्मूच टाळू

कॅब  ज़रा पुढे गेल्यावर

'चलो एक बार फिर से'ची यूट्यूब लिंक

तू मला व्हाट्सएप्पवर पाठव

मी 'I love साहीर' असं रिप्लाय करीन

मानेवर उठलेली हिकी फेड होईपर्यंत

आपण शक्यतो बोलूया नको

किंवा कसंही...