काष्टी आणि पुडव्याचे डायलेक्टीक

 हांवे विचाल्ले कार्ल मार्क्साक
मार्क्सबाब, नाल्ल रे कोणाचो?
माड पाडपी रेंदेराचो?
काय भाडकाराचो?
मार्क्स म्हणे, कोकोनट इज द न्यू ग्रास
नाल्ल तेजोच जो काडटा त्रास
मार्क्साक खबरना हांगसल्ले
काष्टी आणि पुडव्याचे डायलेक्टीक
थोडे पुडवे सोडून दिगंबर
काष्टेक रुचिक लागता बौध्दिक
चेड्डी घालून बॅण वाजोन
दसऱ्याक काडटा पुरसांव
खुर्साआड रावून दिता
रामराज्याचे शेरमांव